У Генадзя і Наталлі Сінкевічаў, якіх прынялі на працу бацькамі-выхавальнікамі ў раённы аддзел адукацыі, зараз пяцёра біялагічных дзяцей і чацвёра прыёмных.
Будынак дома сямейнага тыпу (двухпавярховы катэдж з мэбляй, бытавой тэхнікай і іншай дамашняй маёмасцю) пабудавалі работнікі Смаргонскага будтрэста № 41 за сродкі з абласнога і рэспубліканскага бюджэтаў — затрачана каля 4,5 мільярда рублёў. Аб аснашчэнні дома ўсім неабходным паклапаціліся раённыя ўлады, прадпрыемствы і арганізацыі Астравеччыны.
— Гэта ўжо 24-я падобная ўстанова на Гродзеншчыне. Такая форма выхавання дзяцей, якія засталіся без апекі бацькоў, найбольш прымальная, — зазначыў падчас урачыстай перадачы дома сямейнага тыпу яго гаспадарам намеснік старшыні Гродзенскага аблвыканкама, дэпутатат Палаты прадстаўнікоў Нацыянальнага сходу Беларусі Віктар Лісковіч.
У гэтым годзе дамы сямейнага тыпу плануецца пабудаваць на Навагрудчыне і ў Кастрычніцкім раёне абласнога цэнтра. Разам з тым, будзе закрыты яшчэ адзін дом-інтэрнат.
Барыс ПРАКОПЧЫК
prakopchіk@zvіazda.by
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
