Галоўнае — інтарэсы людзей

Учора Прэзідэнт Аляксандр Лукашэнка разгледзеў кадравыя пытанні.

Кіраўнік дзяржавы назначыў:

Пазняка Аляксандра Рыгоравіча — памочнікам Прэзідэнта Рэспублікі Беларусь — галоўным інспектарам па Віцебскай вобласці;

Гур'янава Аляксандра Яўгенавіча — Надзвычайным і Паўнамоцным Паслом Рэспублікі Беларусь у Італьянскай Рэспубліцы, Пастаянным прадстаўніком Рэспублікі Беларусь пры Харчовай і сельскагаспадарчай арганізацыі Аб'яднаных Нацый па сумяшчальніцтве.

Прэзідэнт даў згоду
на назначэнне:

Гарадзецкага Дзмітрыя Мікалаевіча — старшынёй Жабінкаўскага райвыканкама;

Зайчука Валянціна Міхайлавіча — старшынёй Камянецкага райвыканкама;

Шума Мікалая Мікалаевіча — старшынёй Маларыцкага райвыканкама;

Аскеркі Віктара Вітальевіча — намеснікам старшыні Віцебскага аблвыканкама;

Сабыніча Генадзя Генадзьевіча — старшынёй Віцебскага райвыканкама;

Снарава Аляксандра Іванавіча — старшынёй Шумілінскага райвыканкама;

Мікалуцкага Аляксандра Віктаравіча — першым намеснікам старшыні Гомельскага аблвыканкама;

Гайкевіча Дзмітрыя Сцяпанавіча — старшынёй Жыткавіцкага райвыканкама;

Архіпенкі Алега Леанідавіча — старшынёй Веткаўскага райвыканкама;

Дзенісенкі Сяргея Фёдаравіча — старшынёй Рагачоўскага райвыканкама;

Казецкага Сяргея Іванавіча — старшынёй Любанскага райвыканкама;

Ленкаўца Сяргея Дзмітрыевіча — старшынёй Пухавіцкага райвыканкама;

Бабічава Аляксандра Мікалаевіча — старшынёй Бярэзінскага райвыканкама;

Ляўковіча Сяргея Віктаравіча — старшынёй Уздзенскага райвыканкама;

Клімава Віктара Дзмітрыевіча — пракурорам Брэсцкай вобласці;

Муквіча Уладзіміра Валер'евіча — намеснікам міністра па падатках і зборах;

Сідаровіча Віктара Іванавіча — дырэктарам Дэпартамента дзяржаўнай інспекцыі працы Міністэрства працы і сацыяльнай абароны;

Малашанкі Міхаіла Пятровіча — намеснікам старшыні Дзяржаўнага камітэта па стандартызацыі — дырэктарам Дэпартамента па энергаэфектыўнасці;

Завалея Ігара Уладзіміравіча — членам Гомельскага аблвыканкама;

Ігнатава Паўла Уладзіміравіча — членам Мінскага аблвыканкама;

Стадольніка Валерыя Францавіча — членам Мінскага аблвыканкама.

Аляксандр Лукашэнка даручыў новаму памочніку Прэзідэнта Беларусі — галоўнаму інспектару па Віцебскай вобласці Аляксандру Пазняку сумесна з губернатарам стварыць нармальны рэзерв кадраў, на якія ім у далейшым давядзецца абапірацца ў вобласці.

«Праблем у Віцебскай вобласці дастаткова, і некаторыя з іх маюць хранічны характар, яны не першы год ёсць, пэўныя яшчэ з савецкіх часоў», — лічыць Прэзідэнт. «Што датычыцца кадраў, тут у вас павінна быць уласнае меркаванне. Таму што вы яшчэ і інспектар па Віцебскай вобласці, інспектуеце ўсё і ўся, што знаходзіцца ў рэгіёне, з'яўляецеся вачамі і вушамі Прэзідэнта», — сказаў ён.

Назначаючы Аляксандра Гур'янава паслом у Італіі, Прэзідэнт заявіў: «У будучым годзе Міністэрства замежных спраў павінна займацца амаль толькі знешнеэканамічнай дзейнасцю, а дакладней — знешнім гандлем».

У ходзе прызначэння Віктара Клімава пракурорам Брэсцкай вобласці кіраўнік дзяржавы падкрэсліў: «Вы ні ў якім разе не павінны ні пад каго прагінацца. Рэгіён вельмі няпросты, асабліва з улікам таго, што граніца праходзіць. Я вас вельмі прашу ні з кім не канфліктаваць, дапамагаць губернатару: адну справу робіце. Але прынцыповасць — галоўнае».

Кадравыя перастаноўкі адбыліся таксама ў Віцебску — узгоднена назначэнне новага намесніка аблвыканкама і старшыні райвыканкама. Прэзідэнту расказалі, што цяпер у вобласці праводзіцца эксперымент па стварэнні інтэграванага сельгасаб'яднання, у якое ўключаны свінагадоўчыя і птушкакомплексы, а таксама перапрацоўчыя прадпрыемствы. Кіраўнік дзяржавы адзначыў, што ўсё неабходна грунтоўна падлічыць, каб была максімальная эфектыўнасць ад такіх новаўвядзенняў. Ён таксама асаблівую ўвагу надаў пытанням дысцыпліны і парадку: «Без дысцыпліны і парадку нічога не зробіце. Не будзе жалезнага парадку, не будзе толку».

Прызначаючы кіраўнікоў мясцовай вертыкалі ўлады, Прэзідэнт падкрэсліў: «І яшчэ адно пытанне якраз на злобу дня, якое мяне хвалюе: вельмі шмат падначаленых, прыйшоўшы на гэтую пасаду (хоць я вас папярэджваю, што вы на перадавой, твар у твар з людзьмі), пачынаюць паляпшаць свае жыллёвыя ўмовы. Я не супраць, але — за ваш уласны кошт». Аляксандр Лукашэнка заўважыў, што «вельмі шмат старшынь райвыканкамаў на гэтым пагарэлі».

Ён таксама папярэдзіў: «Калі вы ідзяце на гэтую пасаду, вы павінны ведаць, што, як на шкле, прасвечваецеся з усіх бакоў і людзі вас бачаць. Наступны год будзе вельмі складаным, заўважу, што такога года ў гісторыі нашай краіны не было. Абвалілася Расія, што робіцца ва Украіне (а гэта наш другі рынак), Казахстан прасеў. І нам трэба проста выстаяць. Калі мы будзем працаваць, не рэагуючы на людзей, іх прапановы, заўвагі, не падтрымліваючы іх, а ствараючы сваё матэрыяльнае становішча, то такая ўлада народу не патрэбна».

Прэзідэнт падкрэсліў, што ва ўсіх дакладна вызначаны зоны адказнасці і трэба ў адпаведнасці з гэтым працаваць, паведамляе прэс-служба кіраўніка дзяржавы. Але інтарэсы людзей — самае галоўнае ў рабоце чыноўнікаў. Людзі павінны мець магчымасць працаваць і зарабляць.

Кіраўнік дзяржавы адзначыў, што да прадстаўнікоў улады і ў далейшым будуць выстаўляцца самыя высокія патрабаванні.