Камерцыйны банк выпусціў міжнародную картку «БЕЛКАРТ-Mаеstrо» з сімволікай слуцкіх паясоў.
Новая кабэйджынгавая картка Беларускага народнага банка дазваляе кліентам выкарыстоўваць усе перавагі нацыянальнай і міжнароднай плацежнай сістэмы, аплачваць тавары і паслугі ў Беларусі і за мяжой, а таксама ў інтэрнэце, здымаць наяўныя грашовыя сродкі ў банкаматах. Картка выпускаецца з чыпам у адпаведнасці з сучаснымі патрабаваннямі да бяспекі і надзейнасці правядзення плацяжоў.У аснове дызайну карткі — матывы знакамітых слуцкіх паясоў, гістарычнага і культурнага сімвала, выдатнага ўзору дэкаратыўна-прыкладнога мастацтва, аднаго з сучасных брэндаў Беларусі. Відавочна, што выбар такога афармлення звязаны з феноменам слуцкіх паясоў, якія з'яўляюцца вынікам ўзаемадзеяння культур. Ідэя прыйшла ў нашу краіну з усходу дзякуючы захапленню беларускай шляхты гісторыяй сарматаў. Можна лічыць, што паясы сталі міжнароднай звязкай, а цяпер будуць сімвалізаваць міжнародныя магчымасці аплатнай карткі. Цікава, што Беларускі народны банк збіраецца развіваць супрацоўніцтва з БЕЛКАРТ. У хуткім часе чакаецца выпуск новай карткі з сімвалічнай назвай «Whіtе Саrd».
Уладзіслаў КУЛЕЦКІ
kuletski@zviazda.by
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.