Беларуская сталіца рыхтуецца да правядзення фіналу Кубка свету-2015 па сучасным пяцібор'і. Турнір, у якім прымуць удзел 72 спартсмены (36 мужчын і 36 жанчын), адбудзецца з 11 па 14 чэрвеня на базе дзвюх пляцовак.
Спаборніцтвы па фехтаванні і плаванні прыме Беларускі ўніверсітэт фізічнай культуры. А наймацнейшых спартсменаў у верхавой яздзе, камбінаваным відзе (бег, стральба) і бонус-раўндзе па фехтаванні вызначаць у Рэспубліканскім цэнтры алімпійскай падрыхтоўкі коннага спорту і конегадоўлі, што ў Ратамцы.
Між іншым, у фінале атлеты будуць змагацца за дзве ліцэнзіі (па адной у мужчын і жанчын) на Алімпіяду-2016. Да старту найбуйнейшага турніру года рыхтуюцца наймацнейшыя беларускія спартсмены — Павел Ціханаў, Раман Пінчук, Настасся Пракапенка і Ірына Прасянцова. Арганізатары спаборніцтваў абяцаюць цікавую спартыўна-забаўляльную праграму. У Ратамцы можна будзе пастраляць са спартыўных пісталетаў, паспрабаваць сябе ў фехтаванні і пакатацца на конях. Прыходзьце — не пашкадуеце!
Дарына ЗАПОЛЬСКАЯ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.