Дзяржаўны камітэт па навуцы і тэхналогіях Беларусі правядзе ў канцы сакавіка кірмаш інавацыйных распрацовак па энергетыцы і энергазберажэнні, паведамілі БЕЛТА ў прэс-службе ДКНТ.
"Дзяржаўны камітэт па навуцы і тэхналогіях Беларусі 27 сакавіка 2015 года арганізуе правядзенне кірмашу інавацыйных распрацовак па тэме "Энергетыка і энергазберажэнне - інавацыі і новыя тэхналогіі". Цяпер мы ўжо адабралі 37 распрацовак для прэзентацыі, і гэта работа прадаўжаецца", - растлумачылі ў ДКНТ.
Спецыялісты прэс-службы адзначылі, што да ўдзелу запрашаюцца прадстаўнікі дзяржаўных органаў, арганізацый - распрацоўшчыкаў і вытворцаў навукова-тэхнічнай прадукцыі, бізнесу, суб'ектаў інавацыйнай інфраструктуры. Заяўкі на ўдзел можна дасылаць да 20 сакавіка.
"Асноўная мэта мерапрыемства - садзейнічанне камерцыялізацыі інавацыйных распрацовак, а таксама інтэнсіфікацыя сувязей навукі і вытворчасці", - падкрэслілі ў ДКНТ.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
