Самы стары аўстраліец — 109-гадовы Альфрэд Дэйт — бавіць свой час за вязаннем світараў для карлікавых пінгвінаў. Трыкатажныя вырабы спатрэбіліся Фонду дапамогі пінгвінам на востраве Філіп.
Паводле слоў Дэйта, калі ён прыехаў у дом састарэлых на Цэнтральным узбярэжжы Новага Паўднёвага Уэльса ў мінулым годзе, то адразу ж спытаў у медсясцёр ці можа ён якім-небудзь чынам прымяніць свае навыкі. Тады яны прапанавалі яму адгукнуцца на просьбу фонду і пачаць вязаць світары для... пінгвінаў. Мужчына, які навучыўся вязаць 80 гадоў таму, актыўна ўзяўся за працу, а яе вынікі прадстаўнікі фонду назвалі ашаламляльнымі. З дапамогай неабыякавых людзей з розных канцоў свету ўдалося звязаць світары для калоніі з 32 тысяч пінгвінаў. У фондзе ўдакладнілі, што вопратка для карлікавых пінгвінаў — гэта не капрыз або даніна модзе, а неабходнасць: так іх можна абараніць ад наступстваў разліву нафты, якія прыводзяць да таго, што птушкі мерзнуць і не могуць паляваць. У 2001 годзе праз разліў нафты пацярпелі 438 птушак, якія жывуць на востраве, аднак з дапамогай світараў удалося выратаваць 96% з іх.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.