Упраўленню гандлю і паслуг Гомельскага аблвыканкама дадзена даручэнне забяспечыць усе крамы вобласці айчыннымі таварамі ў неабходных аб'ёмах, каб задаволіць узніклы павышаны попыт на прамысловыя і харчовыя тавары. Такое даручэнне даў на апаратнай нарадзе старшыня Гомельскага аблвыканкама Уладзімір Дворнік.
Кіраўнік рэгіёна адзначыў, што ў сітуацыі, калі па нейкіх прычынах рэзка павялічваецца пакупніцкі попыт насельніцтва, выйграе той, хто хутчэй за ўсіх прымае правільныя кіраўніцкія рашэнні. Адначасова старшыня Гомельскага аблвыканкама даў даручэнне праводзіць маніторынг коштаў ва ўстановах гандлю і ўзмацніць кантроль у галіне антыманапольнай і коштавай палітыкі. Па інфармацыі гомельскага абласнога ўпраўлення гандлю і паслуг, у апошнія дні назіраецца павышаны попыт на бытавую тэхніку, мэблю, іншыя тавары доўгага карыстання як айчыннай, так і імпартнай вытворчасці. Выручка некаторых буйных крам вырасла ў два разы і болей. Ва ўсіх раёнах Гомельшчыны створаны групы па маніторынгу коштаў на тавары, працуюць тэлефоны даверу для пакупнікоў, у выхадныя дні арганізавана дзяжурства супрацоўнікаў органаў мясцовай улады, якія кантралююць работу сферы гандлю і паслуг.
Ірына АСТАШКЕВІЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».