Шэраг дамоўленасцяў у гандлёва-эканамічнай, крэдытна-інвестыцыйнай, навукова-тэхнічнай сферах дасягнуты падчас рабочага візіту Прэзідэнта Беларусі Аляксандра Лукашэнкі ў Аб'яднаныя Арабскія Эміраты, паведамляе БЕЛТА.
Выкананне дамоўленасцяў дазволіць істотна павялічыць таваразварот паміж дзвюма краінамі, забяспечыць рэалізацыю на тэрыторыі Беларусі праектаў з удзелам эмірацкага капіталу.
У прыватнасці, дасягнута дамоўленасць аб стварэнні ў ААЭ ў ходзе раней заключаных кантрактаў на пастаўку аўтатэхнікі дылерскага цэнтра прадукцыі ААТ «МАЗ», уключаючы станцыю тэхнічнага абслугоўвання, склад запасных частак і пастаянна дзейную выставу аўтатэхнікі. Праведзены перамовы з эмірацкім інвестарам, зацікаўленым у стварэнні вытворча-прамысловага кластара на тэрыторыі індустрыяльнага парка «Вялікі камень» (з ацэначным аб'ёмам інвестыцый у $ 170 млн). Вызначаны таксама ўмовы прыцягнення сродкаў Фонду развіцця Абу-Дабі для рэалізацыі ў Беларусі доўгатэрміновых інфраструктурных праектаў.
Беларускімі арганізацыямі, што занятыя ў галіне даследавання касмічнай прасторы, праведзены перамовы з Эмірацкім інстытутам навукі і тэхналогій і Касмічным агенцтвам ААЭ па наладжванні супрацоўніцтва ў галіне касмічных даследаванняў.
Акрамя таго, узгоднены мерапрыемствы па падрыхтоўцы і правядзенні ў снежні ў Абу-Дабі сумеснага Беларуска-эмірацкага навуковага сімпозіума і выставы навукова-тэхнічнага патэнцыялу Беларусі.
Мерапрыемства праводзіцца на добраахвотнай аснове.
Не выявіць ні секунды абыякавасці.