Аб гэтым заявіў Прэзідэнт Беларусі Аляксандр Лукашэнка на сустрэчы са старшынёй урада Расіі Дзмітрыем Мядзведзевым, паведамляе БЕЛТА.
Аляксандр Лукашэнка адзначыў, што яму часта задаюць пытанне, што будзе з Саюзам Беларусі і Расіі ў сувязі з пачаткам работы Еўразійскага эканамічнага саюза. «Я адкрыта гавару: калі мы дасягнем такога ўзроўню супрацоўніцтва з Расіяй у нашым Еўразійскім саюзе, як у нас у рамках двухбаковага дагавора, тады нам няма неабходнасці трымаць дзве структуры. Але пакуль мы не маем ні палітычнага складніка, ні дыпламатычнага, ні ваеннага ў рамках Еўразійскага эканамічнага саюза — няхай гэта застанецца нейкім арыенцірам для іншых інтэграцыйных аб'яднанняў», — сказаў беларускі лідар.
«Тым больш і адпачываць мы, напэўна, не маем намеру. Мы і далей будзем рухацца, удасканальваючы і нарматыўна-прававую базу, і рухаючыся па кірунках, якія ўяўляюць цікавасць для нашага народа і расіян», — адзначыў кіраўнік беларускай дзяржавы. Ён дадаў, што апошнім часам работы па кірунках, па якіх бакі павінны рухацца далей, менш не стала.
Прэзідэнт падкрэсліў, што Беларусь і Расія ўступаюць у новы год як ніколі без вострых праблем у адносінах. «Мы можам працаваць, спакойна выбудоўваючы нашы адносіны па ўсіх кірунках, пачынаючы ад энергетыкі і завяршаючы пастаўкамі прадукцыі, — сказаў Аляксандр Лукашэнка. — Гэта, напэўна, ужо вялікі крок і вялікае дасягненне».
Аляксандр Лукашэнка падзякаваў Дзмітрыю Мядзведзеву за ўсё, што зроблена апошнім часам для двухбаковых адносін і Беларусі ў прыватнасці. Ён таксама падзякаваў расійскаму віцэ-прэм'еру Аркадзю Дварковічу за тое, што ён зрабіў для двухбаковых адносін, каб урэгуляваць спрэчныя пытанні, якія былі. «Дай Бог, каб і далей так рухацца», — рэзюмаваў беларускі лідар.
Дзмітрый Мядзведзеў, у сваю чаргу, пагадзіўся з тым, што Саюзная дзяржава Беларусі і Расіі з'яўляецца асаблівым інтэграцыйным аб'яднаннем. Паводле яго слоў, нягледзячы на інтэграцыйныя поспехі па іншых кірунках, уключаючы Еўразійскі эканамічны саюз, узровень узаемадзеяння, шырыня пытанняў на тым кірунку пакуль не дацягваецца да ўзроўню Саюзнай дзяржавы. На думку Дзмітрыя Мядзведзева, гэта той арыенцір, на які варта звярнуць увагу іншым краінам, інтэграваным у Еўразійскі эканамічны саюз. Ён адзначыў, што цяпер няма звышскладаных пытанняў у двухбаковых адносінах. «Усе асноўныя пытанні мы закрылі. А тыя, якія перыядычна ўзнікаюць, — гэта абсалютна нармальная сітуацыя. І цяпер наша задача, як мне бачыцца, — нарасціць гандлёвае ўзаемадзеянне», — сказаў Дзмітрый Мядзведзеў. Ён дадаў, што адкрываюцца дадатковыя магчымасці для прысутнасці беларускіх партнёраў на расійскім рынку, уключаючы пастаўкі прадуктаў харчавання.
Учора перад пасяджэннем Савета Міністраў Саюзнай дзяржавы, на якім абмярковаўліся надзённыя пытанні беларуска-расійскай інтэграцыі, адбылася таксама сустрэча кіраўнікоў урадаў Беларусі і Расіі Міхаіла Мясніковіча і Дзмітрыя Мядзведзева ў пашыраным складзе. Падчас мерапрыемстваў таксама было падкрэслена, што ў нашых краін шмат цікавых ідэй па развіцці супрацоўніцтва і што ўзровень адносін дазваляе гэтыя ідэі рэалізаваць.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.