Пра гэта заявіў Прэзідэнт Беларусі Аляксандр Лукашэнка на пасяджэнні Вышэйшага Еўразійскага эканамічнага савета на ўзроўні кіраўнікоў дзяржаў, паведамляе БЕЛТА.
«Сёння мы праводзім наша пасяджэнне ва ўмовах, калі Еўразійскі эканамічны саюз дэ-факта заняў сваю нішу ў сусветным эканамічным і нават палітычным парадку дня. Мы дэ-юрэ завяршаем фарміраванне найбуйнейшага агульнага рынку на еўразійскай прасторы», — сказаў беларускі лідар.
Аляксандр Лукашэнка звярнуў увагу, што Беларусь, Казахстан і Расія праінфармавалі сусветную супольнасць аб практычна сінхроннай ратыфікацыі парламентамі краін Дагавора аб ЕАЭС, які ўступіць у сілу з 1 студзеня 2015 года.
Па выніках пасяджэння Міждзяржаўнага савета Еўразійскай эканамічнай супольнасці быў падпісаны дагавор аб спыненні дзейнасці ЕўрАзЭС. Як адзначыў Прэзідэнт Беларусі Аляксандр Лукашэнка, ЕўрАзЭС годна выканала сваю ролю, пройдзены вялікі і складаны шлях інтэграцыйнага будаўніцтва. «Самае галоўнае, што ЕўрАзЭС з'явілася падмуркам для стварэння Мытнага саюза і Адзінай эканамічнай прасторы, якія, у сваю чаргу, заклалі асновы будучага Еўразійскага эканамічнага саюза, — сказаў кіраўнік беларускай дзяржавы. — Таму сённяшнія рашэнні аб змене фармату нашага ўзаемадзеяння — гэта адэкватнае адлюстраванне сучасных тэндэнцый інтэграцыі».
А ЕАЭС учора фактычна пашырыў свае межы: быў падпісаны дагавор аб далучэнні да саюза Арменіі. Як заявіў Прэзідэнт гэтай краіны Серж Саргсян, адсутнасць у Арменіі агульных межаў з членамі ЕАЭС не перашкодзіць інтэграцыі. Да канца 2014 далучыцца да Дагавора аб ЕАЭС разлічвае Кыргызстан, заявіў кіраўнік гэтай дзяржавы Алмазбек Атамбаеў.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».