Аляксандр Лукашэнка прапануе Сусветнаму банку пашырыць фінансаванне праектаў дарожнага будаўніцтва ў нашай краіне.Пра гэта ішла размова на сустрэчы кіраўніка дзяржавы з віцэ-прэзідэнтам Сусветнага банка па рэгіёне Еўропы і Цэнтральнай Азіі Лорай Так, паведамляе БЕЛТА.
«Вельмі вас прашу, каб у плане пашырэння фінансавання, якое прадугледжваецца на гэты і будучы гады, былі выдзелены Сусветным банкам дадатковыя рэсурсы для будаўніцтва аўтамабільных дарог у Беларусі», — сказаў беларускі лідар.
Аляксандр Лукашэнка адзначыў, што беларускія спецыялісты прадставяць Сусветнаму банку планы і праекты, у тым ліку па дарожным будаўніцтве. «Думаю, вы падтрымаеце іх. Тым больш гэта не столькі інтарэс Беларусі, колькі Еўрапейскага саюза, Расіі і Азіі», — сказаў Прэзідэнт. «Калі такая падтрымка будзе, гарантую, што праз тры-чатыры гады дарожная сетка, асабліва па мадэрнізацыі транспартных калідораў, пашырыцца ў два разы і палепшыцца», — запэўніў кіраўнік беларускай дзяржавы.
Прэзідэнт адзначыў той факт, што з боку Сусветнага банка аказваецца вялікая падтрымка Беларусі ў будаўніцтве аўтамабільных дарог. У краіне прыняты пэўныя праграмы на гэты і будучы год са значным аб'ёмам фінансавання. «Але Сусветны банк паабяцаў, што гэта фінансаванне можа быць яшчэ шырэйшым. У сувязі з тым, што іншыя суседнія транзітныя дзяржавы паміж Еўропай і Усходам цяпер у складаным становішчы, асабліва Украіна, Беларусь з'яўляецца найбольш прывабнай краінай транзіту», — адзначыў Аляксандр Лукашэнка. Ён дадаў, што ў Беларусі прыняты дадатковыя захады па будаўніцтве і мадэрнізацыі існуючых транспартных калідораў паміж Еўропай і Азіяй.
Прэзідэнт падзякаваў Сусветнаму банку за супрацоўніцтва, а таксама за ацэнку, дадзеную ў яго штогадовай справаздачы, адзначыўшы, што «Сусветны банк з'яўляецца найменш палітызаванай фінансава-эканамічнай структурай». «Пра гэта сведчаць тыя праекты і праграмы, па якіх мы з вамі супрацоўнічаем», — адзначыў кіраўнік беларускай дзяржавы.
Прэзідэнт звярнуў увагу на тое, што Сусветны банк аказаў вялікую дапамогу Беларусі ў мадэрнізацыі энергетычнай базы, што дало магчымасць значна рушыць наперад у энергаэфектыўнасці, а таксама ў пераадоленні наступстваў катастрофы на ЧАЭС. Аляксандр Лукашэнка запэўніў, што «Беларусь адкажа на гэта дабром».
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.