Кувейт хоча інвеставаць у сумесныя з нашай краінай праекты
Другое пасяджэнне сумеснай беларуска-кувейцкай камісіі па гандлёва-эканамічным супрацоўніцтве прайшло ў Мінску. Прадстаўнікі абедзвюх краін асаблівую ўвагу надавалі развіццю супрацоўніцтва ў сферах эканомікі і інвестыцый.
Валянцін РЫБАКОЎ, намеснік міністра замежных спраў нашай краіны, па выніках сустрэчы з кувейцкімі калегамі паведаміў, што камісія папрацавала плённа.
— Мы абмяркоўвалі розныя пытанні па ўмацаванні двухбаковага ўзаемадзеяння ў эканоміцы, інвестыцыях і іншых галінах. Зараз перад намі наступны этап працы — рэалізацыя ўсіх дамоўленасцяў, якія былі дасягнуты. Беларускі бок зробіць усё, каб гэтыя дамоўленасці былі выкананы.
У сваю чаргу, кіраўнік дэлегацыі з Кувейта Халіфа МУСАІД ХАМАДА, намеснік міністра фінансаў гэтай краіны, звярнуў увагу на значныя перспектывы для інвестыцыйнага супрацоўніцтва і ўзаемадзеяння па іншых кірунках паміж дзвюма краінамі. Ён адзначыў, што на пасяджэнні абмяркоўвалася магчымасць рэалізацыі ў бліжэйшы час некалькіх праектаў.
Падчас пасяджэння камісіі было вырашана, што наступны раз камісія сустрэнецца ў 2015 годзе ў Эль-Кувейце.
Кувейт — адна з найбагацейшых краін свету. Краіна валодае велізарнымі запасамі нафты — прыкладна 9% ад усіх сусветных запасаў. Насельніцтва краіны невялікае — прыкладна 2,5 мільёна чалавек. Паколькі дзяржава багатая, то яна мае магчымасць аказваць значную фінансавую дапамогу сваім грамадзянам. Так, медыцына і адукацыя бясплатныя, а калі малады чалавек хоча атрымаць адукацыю за мяжой, то ўрад бярэ ўсе выдаткі на сябе. А гэта плата за навучанне, пералёт, стыпендыя. Дапамога разведзенай жанчыне будзе выплачвацца штомесяц у памеры 1400 долараў ЗША да таго часу, пакуль яна не працаўладкуецца або не выйдзе зноў замуж. Мінімальная пенсія складае прыкладна 3000 долараў. Грашовую дапамогу аказваюць і ў сувязі з важнымі дзяржаўнымі юбілеямі. Так, да 50-годдзя незалежнасці краіны ўсе грамадзяне атрымалі па 3,5 тысячы амерыканскіх долараў. Натуральна, усе льготы і бонусы прадастаўляюцца выключна кувейтцам. Тым жа, хто прыязджае туды на працу, прыходзіцца клапаціцца пра сябе самім. Атрымаць грамадзянства гэтай краіны амаль немагчыма.
Надзея ЮШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.