але ж… з феерверкам
Дарожная аварыя не сапсавала настрою жыхарам асіповіцкай вёскі Радуцічы, якая адсвяткавала свой 465‑ы дзень нараджэння. Быў пашкоджаны слуп лініі электраперадач, і вёска цалкам засталася без святла. Але старшыня Дараганаўскага сельскага Савета Тамара Валадзько паклапацілася пра тое, каб у сельскі клуб, дзе адбыліся асноўныя мерапрыемствы, прывезлі генератар.
—Не было б шчасця, ды няшчасце дапамагло, — смяецца Тамара Юльянаўна. — Людзей, як ніколі, сабралася шмат. А што рабіць дома, калі электрычнасці няма? Нават тэлевізар не паглядзіш.
У розныя часы вёска была вотчынай роду Радзівілаў, цэнтрам маёнткаў Бокшаў і Вітгенштэйнаў, потым належала Дараганам. Сёння Радуцічы — невялікі населены пункт, дзе жыве ўсяго 236 чалавек. Амаль усе яны прыйшлі на свята роднай вёсачкі. Атрымалася яно па-сямейнаму душэўным. Падводзілі вынікі конкурсу на лепшы падворак, віншавалі перадавікоў сельскай гаспадаркі. Не засталіся без увагі старэйшая жыхары вёскі і ахвяры вайны. Па запрашэнні сельсавета ў госці прыехала дачка першага камсамольца вёскі Алена Шацько, якая падзялілася ўспамінамі пра свайго бацьку. Мясцовыя кандытары і рукадзельніцы арганізавалі выставы сваіх вырабаў і падзяліліся сакрэтамі майстэрства. У гандлёвых радах была магчымасць падсілкавацца смачнай выпечкай. Закончылася свята дыскатэкай і феерверкам.
Нэлі ЗІГУЛЯ.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.