Пракуратура Мінскай вобласці па матэрыялах упраўлення па барацьбе з эканамічнымі злачынствамі УУС Мінаблвыканкама распачала крымінальную справу ў дачыненні да жыхара Маладзечна за незаконную прадпрымальніцкую дзейнасць.
Мужчына не меў ліцэнзіі на ажыццяўленне рознічнага гандлю спіртнымі напоямі. Але гэта не стала перашкодай для продажу жыхарам горада і раёна спіртазмяшчальнай прадукцыі сумнеўнай якасці. Прычым яна разбаўлялася вадой і прадавалася як гарэлка. У выніку гандляр сурагатамі за непрацяглы перыяд часу атрымаў даход больш як 170 млн рублёў.
— За гэтае злачынства прадугледжана крымінальная адказнасць да трох гадоў пазбаўлення волі, — канстатаваў пракурор аддзела пракуратуры Мінскай вобласці Павел Мойсак.
Па яго словах, працягваюцца мерапрыемствы па выяўленні і іншых асоб, што займаюцца незаконным гандлем сурагатнымі напоямі, паколькі яны наносяць не толькі матэрыяльныя страты, але і непапраўную шкоду здароўю сваіх жа грамадзян.
Таццяна ЛАЗОЎСКАЯ.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».