Затрыманы хуліганы, якія ў ноч з 25 на 26 жніўня пашкодзілі больш як 30 аўтамабіляў у Маладзечне.
Прычым пацярпелі аўто, прыпаркаваныя як на вуліцы, так і ў дварах.
Па гэтым факце Маладзечанскім раённым аддзелам Следчага камітэта была заведзена справа па частцы 1 артыкула 339 Крымінальнага кодэкса — «хуліганства». Супрацоўнікі крымінальнага вышуку вылучылі некалькі версій, асноўная з якіх — хуліганская выхадка групы падлеткаў, адурманеных алкаголем або наркотыкамі.
У пятніцу вечарам аператыўнікі Маладзечанскага РАУС атрымалі інфармацыю аб магчымым дачыненні да злачынства дзвюх маладых людзей 1993 і 1995 гадоў нараджэння, якія пражывалі ў Маладзечне і працавалі падсобнікамі ў будаўнічых фірмах.
У суботу раніцай адзін з іх быў затрыманы. Літаральна адразу прыяцелі прызналіся ва ўчыненым. Як высветлілася, напярэдадні ў аднаго з іх быў дзень нараджэння. Святкаванне зацягнулася на некалькі дзён. Пасля ўжывання спіртнога ў іх нарадзілася ідэя пакуражыцца. Яны на працягу больш чым дзвюх гадзін ішлі па начных вуліцах, білі шкло і фары ў аўтамашынах, якія трапляліся на шляху, скакалі па капотах і дахах. Па словах хуліганаў, аб наступствах яны не задумваліся. Сума прычыненых страт падлічваецца, але ўжо зараз відавочна, што яны перавысяць 100 млн рублёў, паведаміла прэс-служба УУС Мінаблвыканкама.
Таццяна ЛАЗОЎСКАЯ.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».