У Клічаве дэпутаты ініцыявалі акцыю па ачыстцы мясцовай ракі.
Галоўная водная артэрыя райцэнтра доўгі час была ў заняпадзе. Грошы на яе ачыстку ніяк не знаходзіліся. І невядома, як доўга гэта ўсё цягнулася б, калі б не мясцовыя дэпутаты. Менавіта яны кінулі кліч, каб усім разам прывесці раку ў парадак — далі аб'яву ў газету і адкрылі разліковы рахунак. Арганізацыі і жыхары горада пералічылі ўжо на яго 23 мільёны рублёў.
— Грошы не вельмі вялікія, але іх дастаткова на тое, каб нешта рабіць, — паведаміў старшыня Клічаўскага райсавета дэпутатаў Уладзімір Кніга. — Вырашылі пачаць з рэчышча ў раёне пляжа. Хіба ж гэта добра, калі нават на месцы адпачынку зараснікі чароту, а ў вадзе камяні?
На ачыстцы Ольсы працуе тэхніка ПМК‑89, дапамагаюць лясгас і жылкамгас. Рачным пяском падсыпаюць нізкія месцы на беразе. Рыхтуецца пляцоўка для пляжнага валейбола. Калі будуць праведзены асноўныя работы, за справу возьмуцца валанцёры з БРСМ і мясцовыя жыхары.
Нэлі ЗІГУЛЯ.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».