Суд Фрунзенскага раёна Мінска вынес пастанаўленне ў дачыненні да распаўсюджвальнікаў опіумнага маку: штраф у памеры 123,5 мільёна рублёў непасрэдна прадаўцу і канфіскацыя аўтамабіля ў яго хаўрусніка, які перавозіў мак.
27‑гадовыя непрацуючыя мінчане былі затрыманы раней на вуліцы Д.Сердзіча, з «Аўдзі-80» было канфіскавана 15 кілаграмаў насення маку. Як паведамілі ў МУС, гэтыя грамадзяне цягам доўгага часу займаліся рэалізацыяй «тавару» нарказалежным на тэрыторыі сталіцы.
З моманту ўступлення ў сілу Дэкрэта Прэзідэнта Рэспублікі Беларусь ад 14 студзеня 2014 года № 1 «Аб некаторых пытаннях дзяржаўнага рэгулявання абарачэння насення маку» супрацоўнікі міліцыі канфіскавалі больш за 43,5 тоны маку. За парушэнне заканадаўства складзена 114 адміністрацыйных пратаколаў у дачыненні да 98 грамадзян. Накладзены штрафы на суму больш за 980 мільёнаў рублёў, канфіскавана дзевяць аўтамабіляў.
МУС нагадвае, што фізічным асобам забараняецца захаванне і перамяшчэнне па тэрыторыі краіны насення маку вагой больш за два кілаграмы або здзяйсненне любых здзелак з не расфасаваным у спецыяльную ўпакоўку насеннем.
Сяргей РАСОЛЬКА.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.