Дзяржаўтаінспекцыя запатрабавала ліквідаваць парушэнні на вулічна-дарожнай сетцы каля школ і дзіцячых садоў Мінска да 28 жніўня.
«У выніку рэйдавых мерапрыемстваў кіраўніцтву школ і адміністрацый раёнаў дадзены загады на ліквідацыю прычын адміністрацыйных правапарушэнняў і ўмоў, якія садзейнічаюць іх здзяйсненню», — паведаміла БЕЛТА кіраўнік прэс-службы ДАІ ГУУС Мінгарвыканкама Таццяна Харлінская.
У асноўным выяўленыя парушэнні звязаны з прапускным рэжымам, прыпынкам і стаянкай транспарту, асвятленнем пешаходных дарожак.
У ДАІ звярнулі ўвагу, што цяпер дзеці вяртаюцца з лагераў, з вёсак, дзе адвыклі ад інтэнсіўнага транспартнага патоку. «Задача ўсіх удзельнікаў дарожнага руху — быць максімальна ўважлівымі да дзяцей. Чужых дзяцей на дарозе не бывае, таму ад вашага неабыякавага ўдзелу залежаць іх здароўе і жыццё», — падкрэслілі ў Дзяржаўтаінспекцыі.
З 25 жніўня па 5 верасня ў Беларусі пройдзе спецыяльнае комплекснае мерапрыемства «Увага — дзеці». У ходзе акцыі супрацоўнікі ДАІ будуць праводзіць як рэйдавыя мерапрыемствы па выяўленні парушэнняў правілаў дарожнага руху, так і прафілактычныя: інспектары наведаюць працоўныя калектывы і правядуць прафілактычныя акцыі для дзяцей і іх бацькоў. Кіроўцам падчас правядзення комплекснага мерапрыемства днём рэкамендуецца рухацца з уключаным блізкім святлом фар. З пачатку навучальнага года для выканання мераў бяспекі дзяцей супрацоўнікі ДАІ ў ранішні час будуць дзяжурыць каля школ. Усе аўтамабілі, прыпаркаваныя каля школьных тэрыторый з парушэннямі правілаў прыпынку і стаянкі, будуць эвакуяваны.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.