Беларусь і Украіна ўзаемна адмянілі ліцэнзаванне і пошліны
На брыфінгу ў Міністэрстве замежных спраў, прысвечаным аднаўленню рэжыму свабоднага гандлю паміж Беларуссю і Украінай, Ігар НАЗАРУК, дырэктар дэпартамента знешнеэканамічнай дзейнасці МЗС краіны, паведаміў, што канфлікт «ліцэнзій» вычарпаны.
— З 19 жніўня з нуля гадзін якія-небудзь меры, якія абмяжоўваюць допуск да ўзаемнага гандлю, адменены. Беларусь не прымяняе ліцэнзаванне да імпарту піва, кандытарскіх вырабаў і іншай прадукцыі. Украіна не прымяняе спецпошліны, якія вагаюцца ў памеры ад 50% да 60%, — заявіў прадстаўнік МЗС.
Кажучы пра тое, як адбіліся ўзаемныя абмежаванні на таваразвароце паміж дзвюма краінамі, Ігар Назарук паведаміў, што, сапраўды, падзенне ўзаемнага таваразвароту было зафіксавана.
— З-за шэрагу прычын лічбы ўзаемнага таваразвароту Беларусі і Украіны трохі змяніліся. Ёсць падзенне на ўзроўні прыкладна 5%.
Прадстаўнік беларускага знешнепалітычнага ведамства лічыць гэта не вельмі істотнай лічбай. У той жа час ён звярнуў увагу журналістаў і на той факт, што шэраг тавараў схільны да сезонных ваганняў. Напрыклад, летам падае попыт на шакаладныя кандытарскія вырабы, а на напоі, наадварот, узрастае.
— Аднак, што тычыцца кандытарскіх вырабаў і цукру, то па выніках першага паўгоддзя мы, наадварот, бачым не падзенне, а рост амаль на 25%. Хоць, здавалася б, тавар да 19 жніўня знаходзіўся ў спісе ліцэнзуемых. Таму трэба ставіцца да гэтага спакойна.
Ігар Назарук падкрэсліў, што мэтай працэдуры ліцэнзавання было навядзенне парадку на ўнутраным рынку краіны. Па той інфармацыі, якая зараз ёсць, цэнаўтварэнне прыходзіць у стабільны стан.
Дыпламат выказаў упэўненасць, што ў будучыні падобныя канфлікты не паўтарацца.
Ён нагадаў, што Беларусь, Украіна і Расія з'яўляюцца ўзаемазвязанымі эканомікамі:
— У нас вельмі моцныя гандлёва-эканамічныя сувязі. Таму ніводнаму з бакоў не выгадна аб'яўляць гандлёвыя войны. Гэта заўсёды будзе працаваць па прынцыпе бумеранга.
Надзея ЮШКЕВІЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».