Абмежаванні на ўвоз шэрагу харчовых тавараў на рынак Расійскай Федэрацыі адбіліся на працы айчынных аўтамабільных кампаній, што выконваюць перавозкі з краін Еўрапейскага саюза ў Расію.
У той жа час дамоўленасць паміж нашай краінай і Расійскай Федэрацыяй аб дадатковых пастаўках айчыннай прадукцыі ў Расію павялічыць аб'ёмы перавозак грузаў і дасць магчымасць задзейнічаць рэфрыжэратарны парк, які не выкарыстоўваецца зараз, канстатуе прэс-цэнтр Міністэрства транспарту і камунікацый. У гэтай сувязі Мінтранс звярнуўся ў міністэрствы сельскай гаспадаркі і харчавання, гандлю, канцэрн «Белдзяржхарчпрам», Белкаапсаюз, абласныя выканаўчыя камітэты з просьбай аб максімальным выкарыстанні айчынных аўтаперавозчыкаў для транспарціроўкі айчыннай экспартнай прадукцыі пры заключэнні кантрактаў з расійскімі кампаніямі.
Праводзяцца кансультацыі з Міністэрствам транспарту Расійскай Федэрацыі па задзейнічанні аўтатранспартных сродкаў беларускіх кампаній пры магчымай дыверсіфікацыі паставак мясной, рыбнай, малочнай і плодаагародніннай прадукцыі з краін, у дачыненні да якіх не ўстаноўлена забарона на яе ўвоз у Расію.
Сяргей РАСОЛЬКА
Сітуацыя будзе толькі пагаршацца.
Канцэрт для дзяцей і моладзі, пластычны спектакль Ягора Дружыніна і «Рок-панарама».