У самым старажытным горадзе Латвіі прадстаўнікі Полацкага раёна бралі ўдзел у кулінарным фестывалі. Багатая беларуская кулінарная спадчына прыемна здзівіла самых распешчаных у кулінарным сэнсе гурманаў.
— Нашы землякі былі запрошаны ў горад Лудза на выставу-продаж страў нацыянальнай кухні, якая праводзілася ў рамках свята горада. Лудзе сёлета споўнілася 837 гадоў. Як гэта прыгатавана, з якіх прадуктаў, колькі патрабуецца солі або цукру, якія прыправы? — гэтыя і многія іншыя пытанні задавалі беларусам на фестывалі. Вялікай папулярнасцю карысталася і беларуская сувенірная прадукцыя ручной работы з натуральных матэрыялаў, — паведаміла «Звяздзе» Наталля Сініца, галоўны спецыяліст сектара спорту і турызму аддзела адукацыі, спорту і турызму Полацкага райвыканкама.
Міжнароднае мерапрыемства было арганізавана ў рамках праекта Еўрапейскага саюза «Паляпшэнне кулінарнага сэрвісу ў Латгальскім і Віцебскім рэгіёнах, абапіраючыся на канцэпцыю кулінарнай спадчыны» (BELLA CUІSІNE) трансгранічнай праграмы супрацоўніцтва Латвіі, Літвы і Беларусі. Удзельнікамі фестывалю сталі і польскія, а таксама расійскія кухары і рамеснікі. І, безумоўна, аматары смачна паесці.
Аляксандр ПУКШАНСКІ.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.