На Нёмане дзяржінспектары затрымалі пяць маладых людзей ва ўзросце ад 16 да 19 гадоў, якія незаконна здабывалі рыбу пры дапамозе... аконнай фіранкі. Такім незвычайным спосабам яны паспелі злавіць 45 асобін рыб розных відаў і шэсць ракаў — іх знайшлі ў машыне, на якой прыехалі парушальнікі. Пасля падліку шкоды высветлілася, што яна складае каля 17 мільёнаў рублёў. Апроч таго, у дачыненні да маладых людзей можа быць заведзена крымінальная справа.
Тое ж можа чакаць і браканьераў са Слонімскага раёна. Тры мужчыны лавілі рыбу і ракаў спецыяльнай сеткавай прыладай у форме прызмы, а чацвёрты адносіў здабычу да аўтамабіля. Яго і затрымалі дзяржінспектары. У гэты час хаўруснікі, якія знаходзіліся на процілеглым беразе, кінулі сваю прыладу і збеглі ў лес. Тым не менш аднаго з парушальнікаў ужо апазналі па відэазапісе, асобы астатніх устанаўліваюцца. Шкода, нанесеная ў выніку незаконнай здабычы 53 асобін рыб розных відаў і 389 ракаў, ацэнена ў 105 мільёнаў рублёў, паведамілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь.
А вось у дачыненні да парушальніка, які рыбачыў на рацэ Іпуць у Добрушскім раёне, крымінальную справу ўжо завялі, нягледзячы на тое, што той выплаціў суму нанесенай шкоды. Браканьер на дробязі не разменьваўся, лавіў рыбу ў прамысловых маштабах. За ноч пры дапамозе крыгі здабыў каля 800 асобін рыбы, якую і канфіскавалі дзяржінспектары. Памер шкоды ўражвае — 130 мільёнаў рублёў.
Сяргей РАСОЛЬКА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.