Дабрачынная выстава-продаж вырабаў школьных бізнес-кампаній пройдзе падчас абласной канферэнцыі педагагічных работнікаў Мінскай вобласці, што плануецца 15 жніўня ва Уздзенскім раёне. Выручаныя сродкі будуць накіраваны на будаўніцтва Беларускага дзіцячага хоспіса.
Упершыню работа форуму будзе арганізавана ў форме дыялогавых пляцовак па разнастайных кірунках дзейнасці. Педагогі цэнтральнага рэгіёна падзеляцца вопытам работы, падвядуць вынікі мінулага навучальнага года і вызначаць прыярытэты на новы. Яны змогуць наведаць выставы дэкаратыўна-прыкладнога і выяўленчага мастацтваў, прыняць удзел у майстар-класах, якія правядуць навучэнцы і педагогі ўстаноў прафесійна-тэхнічнай і сярэдняй спецыяльнай адукацыі.
Школьнікі Уздзенскага раёна прадэманструюць прысутным дасягненні ў мотаспорце, фігурным ваджэнні веласіпеда, настольным тэнісе, боксе, каратэ. Сваё майстэрства пакажа і каманда юных выратавальнікаў-пажарных «Неўтаймаваныя». На канферэнцыі падвядуць таксама вынікі штогадовага спаборніцтва «За дасягненне высокіх паказчыкаў у развіцці адукацыі», ушануюць маладых спецыялістаў і педагогаў вобласці, якія сталі пераможцамі трэцяга этапу рэспубліканскага конкурсу прафесійнага майстэрства «Настаўнік года Рэспублікі Беларусь».
Таццяна ЛАЗОЎСКАЯ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
