Вы тут

Ад неўрозу — рэжым дня


Чым неўроз адрозніваецца ад іншых захворванняў? Тым, што запускае яго заўсёды стрэс. Стрэс — гэта неабавязкова нейкае велізарнае гора, цяжкія перажыванні і пакуты. Гэта яшчэ і проста непрыемная сітуацыя, якая доўгі час не можа вырашыцца. Ці, скажам, шматгадовая напружаная праца.

Калі быць уважлівым да сябе, то цяжка не заўважыць, што да цябе завітаў стрэс:

— пачынаеш адчуваць пастаянную стому;

— праблемы са сном (павярхоўны сон, яркія сны, кашмары, складанасці з засынаннем);

— ранняе (на 2-3 гадзіны раней) абуджэнне (гэты момант можа сведчыць пра дэпрэсіўны кампанент неўрозу);

— адчуванне разбітасці пасля начнога сну (сведчанне таго, што нервовая сістэма знясілена і арганізму патрабуецца дапамога);

— раздражняльнасць, змена эмоцый, рэзкія перапады настрою.

— Падобныя адчуванні ў розныя перыяды ці ў пэўных сітуацыях перажываюць усе людзі, — кажа намеснік галоўнага ўрача па арганізацыйна-метадычнай рабоце 3-й цэнтральнай раённай клінічнай паліклінікі г. Мінска Ларыса ДЗЯНІСАВА. — Аднак чым больш мы сабе гэтыя адчуванні забараняем, тым глыбей яны ўкараняюцца ў нас. Таму вельмі важна не проста валодаць сваімі пачуццямі, але і ўмець даваць ім выхад. Парады кшталту «вазьмі сябе ў рукі», «ты гэта можаш» толькі раздражняюць.

На самой справе стрэсам кіраваць можна. Для гэтага даўным-даўно распрацаваны спецыяльныя навукова абгрунтаваныя праграмы, якія тлумачаць, як ствараецца, назапашваецца стрэс, што пры гэтым адбываецца ў арганізме і як гэтыя стрэсы перамагаць.

І не трэба ставіцца да гэтага скептычна. Вопыт выкарыстання падобных праграм тысячы і тысячы разоў даказваў сваю эфектыўнасць. Словам, чытайце і паўтарайце:

1. Рэжым працы і адпачынку. Пад працай варта разумець і вучобу, і хатнія клопаты. У арганізме генетычна закладзены механізм сну і няспання. Акрамя таго, свой уласны рытм мае кожны наш орган. І з гэтым нельга не лічыцца.

2. Рацыянальнае харчаванне. Яго насычанасць спажыўнымі рэчывамі, жыццёва важнымі вітамінамі, мікраэлементамі і мінераламі. Вітаміны групы В — аснова нармальнага функцыянавання цэнтральнай нервовай сістэмы. Вітаміны А, С, Е — выдатны антыстрэсавы комплекс. Кальцый і магній дапамагаюць перажываць «штормы» і захоўваць раўнавагу. І г.д.

3. Злоўжываць нельга не толькі алкаголем ці нікацінам, але і такімі прадуктамі, як шакалад і кава. Апошнія, як і алкаголь, узрушваюць нервовую сістэму, шкодзяць ёй. Акрамя таго, усё пералічанае спрыяе развіццю залежнасці. А навошта нам лішнія залежнасці?

4. Памяркоўныя, рэгулярныя фізічныя нагрузкі. Арыентавацца трэба на ўнутраны камфорт. Нездарма адны бегаюць, другія прысядаюць, а трэція плаваюць. Можна хадзіць у сярэднім тэмпе 3-4 разы на тыдні 40-60 хвілін. Галоўнае, што любыя практыкаванні стымулююць расход адрэналіну і запускаюць фізічны, цялесны механізм вывядзення з арганізма рэшткаў малочнай кіслаты — наступстваў стрэсу, што назапашваецца ў нашых мышцах.

23-18

5. Рэлаксацыя. Зноў жа, аднаму дапамагае тут добрая кніга, другому — цёплая ванна. Але многім людзям гэтага бывае недастаткова. А таму варта пашукаць урача-псіхатэрапеўта. Такі ўрач выкарыстоўвае спецыяльныя методыкі — аўтагенную трэніроўку, нейрамышачную рэлаксацыю, асновы медытацыі, самагіпноз, «глыбокае дыханне». Дапамагчы чалавеку авалодаць гэтымі методыкамі — значыць навучыць яго розум і цела аўтаматычна скідваць нервовае, эмацыйнае і фізічнае напружанне. А значыць — процістаяць стрэсам.

Выбар рэдакцыі

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.