Вы тут

Памяць — агульная


Апублікавана ў газеце "Літаратура і мастацтва" 18.07.14 г.

___________________________________________________________________________

Святкаванне юбілею вызвалення, як і Дня Незалежнасці Рэспублікі Беларусь, прайшло не толькі ў нашай краіне, але і за яе межамі -- усюды, дзе жывуць, працуюць нашы землякі. Як прыклад — сталіца Расійскай Федэрацыі. Нацыянальна-культурная аўтаномія “Беларусы Масквы” выдала кнігу “Рэспубліка-партызанка”. Зборнік артыкулаў прымеркаваны якраз да 70-годдзя вызвалення Беларусі ад нямецка-фашысцкіх захопнікаў.

Перамога

Выданне з’яўляецца вынікам навуковай дзейнасці супрацоўнікаў Навукова-даследчага цэнтра гісторыі дыяспар гістарычнага факультэта МДУ імя М. В. Ламаносава, Інстытута гісторыі Нацыянальнай акадэміі навук Беларусі, Навукова-даследчага Цэнтра фундаментальнай шматтомнай працы “Вялікая Айчынная вайна 1941 — 1945 гадоў”.

Адкрываецца зборнік грунтоўным даследаваннем доктара псіхалагічных навук Сяргея Кандыбовіча, кандыдатаў гістарычных навук Вячаслава Даніловіча і Аксаны Солапавай “Грамадскія партызанскія аб’яднанні Расіі і Беларусі: 70 гадоў гісторыі”. Пра падпольны рух напярэдадні вызвалення расказвае доктар гістарычных навук Аляксандр Каваленя. Сярод аўтараў выдання — беларускія і расійскія даследчыкі: кандыдат гістарычных навук Барыс Далгатовіч, Уладзімір Здановіч, Аксана Солапава, маладыя маскоўскія вучоныя Аляксей Гусеў, Аксана Казапалянская, Майя Бабенка ды інш. Асобным раздзелам прадстаўлены ў зборніку ўспаміны нашых землякоў, лёс якіх звязаны з Масквой: кінарэжысёра Аляксандра Ульянава, актрысы Марыяны Мадоравай-Патапавай, генерал-лейтэнанта Вячаслава Раманава, дзяржаўных, палітычных дзеячаў Кандрата Цераха, Віктара Шавялухі ды інш. Сярод аўтараў — кандыдат філасофскіх навук, лаўрэат Дзяржаўнай прэміі Рэспублікі Беларусь Уладзімір Вялічка. Выдадзеная накладам 1000 экзэмпляраў, кніга “Рэспубліка-партызанка”, несумненна, — значны ўнёсак у вывучэнне ваеннай гісторыі нашай Айчыны. Спадзяёмся, што заўважаць яе не толькі ў Маскве, але і ў Беларусі.

Мікола БЕРЛЕЖ

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.