Закладзеную капсулу міру ўскрыюць праз 45 гадоў
Падчас мерапрыемства, якое традыцыйна праходзіць каля Кургана Дружбы, што на мяжы Беларусі, Расіі і Латвіі, заклалі капсулу з пасланнем нашчадкам, асвяцілі капліцу. У сустрэчы бралі ўдзел кіраўнікі ўлад, прадстаўнікі Еўрапарламента і ветэранскіх, патрыятычных арганізацый.
94-гадовы жыхар Латвіі Іван Мікалаевіч Церахаў, старшыня Даўгаўпілскага таварыства ўдзельнікаў вайны, родам з Беларусі.
— Ганаруся тым, што мая радзіма — Магілёўская вобласць, Хоцімскі раён, вёска Бярозка. З Данбаса быў прызваны на Балтыйскі флот. Пасля вайны жыву ў Даўгаўпілсе. Доўгі час працаваў у праваахоўных органах, потым выкладаў гісторыю, савецкае права. Калі мы не будзем аб'ядноўвацца, а абмяжоўваць сябе граніцамі, толку мала будзе. І ў Латвіі, дзе я жыву, уладам трэба гэта разумець. Да таго справа дайшла, што пагасілі Вечны агонь у гарадах — у тым ліку і ў Рызе. Прыемна, што цяпер у Даўгаўпілсе пры дапамозе тых, хто дапамагае суайчыннікам за мяжой, дэпутатаў Еўрапарламента запалілі Вечны агонь. І веру, што ён будзе гарэць! — гаворыць ветэран.
— Мой бацька, марскі афіцэр, разам з Іванам Церахавым на Балтыцы служыў. На гэтую сустрэчу з Латвіі прыехалі каля пяцідзесяці чалавек. На жаль, штогод усё менш сярод іх ветэранаў вайны. На сустрэчах ветэранаў у Латвіі ўсё больш іх нашчадкаў з партрэтамі памерлых герояў вайны. Латвійскім журналістам трэба беражліва запісваць успаміны тых, хто ваяваў, памятае пра вайну. І трэба зрабіць усё магчымае, каб у Латвіі гучала руская мова з вуснаў унукаў і праўнукаў ветэранаў, — расказвае Таццяна Жданок, дэпутат Еўрапарламента. Яна прадстаўляе партыю «Рускі саюз Латвіі».
Аляксандр Косінец, старшыня Віцебскага аблвыканкама, і Андрэй Турчак, часова выканаўца абавязкаў губернатара Пскоўскай вобласці, на беларускім баку прыгранічча заклалі капсулу з пасланнем нашчадкам. Яе ўскрыюць праз 45 гадоў. У пасланні гаворыцца: «Мы перакананы ў тым, што вы беражліва захоўваеце вернасць традыцыям пакалення пераможцаў. Мы прадпісваем вам: беражыце мір. Мір — гэта галоўная ўмова шчаслівага жыцця для чалавека, развіцця і росквіту краіны. Беражыце дружбу паміж народамі».
— Разам з Расійскай Федэрацыяй будуем саюзную дзяржаву, якая мае дастаткова магутнае сацыяльна-эканамічнае развіццё. Створаны Еўразійскі эканамічны саюз, які дазволіць яшчэ больш паспрыяць павялічэнню эканамічнага патэнцыялу Расіі, Беларусі, Казахстана. З Латвіяй вядзецца эканамічнае супрацоўніцтва. Робіцца ўсё для таго, каб прыгранічныя краіны мелі цесную сувязь, узаемавыгадныя адносіны, — падкрэсліў на сустрэчы губернатар Віцебшчыны.
88-гадовы Уладзімір Уладзіміравіч Дашчонак — старэйшы жыхар Верхнядзвінска. Ён нарадзіўся ў Расонскім раёне, партызаніў на тэрыторыі былога Асвейскага раёна. Узнагароджаны ордэнам Айчыннай вайны.
— У 17 гадоў пачаў ваяваць з ворагам — у атрадзе імя Арджанікідзэ брыгады імя Фрунзэ. Аперацый, у якіх браў удзел, было шмат. Памятаю, адразу каля 500 немцаў знішчылі. І на тэрыторыі Латвіі разам білі ворага рускія, латышы, украінцы, казахі, — успамінае ветэран. Адчуваю сёння гонар за тое, што перамаглі, адстаялі сваю Радзіму. Трэба часцей расказваць пра тое, што было.
Падчас сустрэчы каля Кургана Дружбы адбыліся канцэрт, акцыя «Вогнішча Дружбы», паказальныя выступленні беларускіх і расійскіх вайскоўцаў, міжнародныя спартыўныя спаборніцтвы, працавалі «гарадкі майстроў», гандлёвыя рады. Праз мяжу сотні расіян прыходзілі па беларускія тавары: сыры, каўбасы, хлеб і булкі, якія выпякалі на месцы, сувеніры...
4
5
6
Аляксандр ПУКШАНСКІ.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.