Адкрыты раённы маладзёжны конкурс патрыятычнай песні «Чырвоны гваздзік» прайшоў ва ўрочышчы Векерава Салігорскага раёна. Ён стаў часткай ваенна-патрыятычнай рэканструкцыі «И поет мне в землянке огонь...», прысвечанай 70-годдзю вызвалення Беларусі ад нямецка-фашысцкіх захопнікаў і Дню Незалежнасці.
Удзельнікі і госці адведалі салдацкай кашы, партызанскай поліўкі, спявалі песні каля вогнішча. А старт мерапрыемству даў мотапрабег з ускладаннем кветак па маршруце: Салігорск — помнік братам Цуба — Курган славы, вёска Чаланец — помнік Васілю Каржу, вёска Хорастава — урочышча Векерава.
У якасці ганаровых гасцей на конкурс былі запрошаны ветэраны Вялікай Айчыннай вайны, дэлегацыі Слуцкага і Любанскага раёнаў.
Таццяна ЛАЗОЎСКАЯ.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.