На амерыканскім кантыненце таксама прайшлі мерапрыемствы, звязаныя з 70-годдзем вызвалення Беларусі ад нямецка-фашысцкіх захопнікаў. На ўрачыстым сходзе ў Нью-Ёрку прысутнічала больш за 100 ветэранаў. Перад прысутнымі выступіў і пасланец Мінска — калекцыянер старых паштовак, лаўрэат Прэміі Прэзідэнта «За духоўнае адраджэнне» Уладзімір Ліхадзедаў. Ён расказаў і пра тое, як ушаноўваецца героіка-патрыятычная тэма ў беларускіх масмедыя, найперш у газетах «СБ. Беларусь сегодня» і «Звязда», прэзентаваў свае філакартычныя альбомы серыі «У пошуках страчанага». А ў Балтымары беларускае пасольства сумесна з Балтымарскай асацыяцыяй ветэранаў Вялікай Айчыннай вайны правялі ўручэнне юбілейных медалёў і памятных «трохкутнікаў». Сярод 14 узнагароджаных удзельнікаў вайны двое ўжо пераступілі 100-гадовы рубеж. На сустрэчы былі і перажыванні, і слёзы, з якімі беларускія эмігранты глядзелі фільм «Партызаны супраць Вермахта: вызваленне Беларусі», знаёміліся з фотавыставай БелТА, прысвечанай 70-годдзю вызвалення нашай Айчыны ад фашыстаў.
Сяргей Шычко.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».