У ЗША па ініцыятыве Міністэрства замежных спраў Рэспублікі Беларусь праходзіць прэзентацыя аўтарскага праекта філакартыста Уладзіміра Ліхадзедава.
У мінулую нядзелю ў межах урачыстага сходу, прысвечанага 70-годдзю вызвалення Беларусі ад нямецка-фашысцкіх захопнікаў у Вялікай Айчыннай вайне, адбылася прэзентацыя альбома «Сінагогі» — першага ў серыі філакартычных альбомаў з цыкла «У пошуках страчанага». У гэты ж дзень калекцыянер пазнаёміў членаў суполкі крымскіх татар у Нью-Ёрку з альбомам «Беларусь і мусульманскі свет». А сёння ў сацыяльна-культурным цэнтры «Фінікс» у Балтымары Уладзімір Ліхадзедаў раскажа пра сам праект, шматгадовую работу над ім на старонках газет «СБ. Беларусь сегодня», «Голас Радзімы», «Звязда», «Літаратура і мастацтва», часопісаў «Беларусь», «Маладосць».
Пройдуць і іншыя мерапрыемствы, якія ў ЗША арганізавала Пасольства Беларусі. Сярод іх — і прэзентацыя нядаўна выдадзенага ў Выдавецкім доме «Звязда« альбома са старымі паштоўкамі «Падарожжа ў часе» ў Бібліятэцы Кангрэса ЗША. Дарэчы, у гэтай славутай скарбніцы захоўваюцца і іншыя выданні «Звязды», прысвечаныя старым паштоўкам.
Мікола Берлеж.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.