Падчас правядзення ў Мінску з 9 па 25 мая чэмпіянату свету па хакеі інтэрнэт-праект ГУУС Мінгарвыканкама «Перахват» абвяшчае кампанію «Хакейны #перахват!»
Яна будзе складацца з двух асноўных этапаў. Першы — конкурс фотаздымкаў інтэрнэт-карыстальнікаў, прымеркаваных да тэматыкі надыходзячага сусветнага першынства. Галоўнай мэтай конкурсу з'яўляецца пошук пазітыўных момантаў пры правядзенні чэмпіянату свету па хакеі. Сюжэтам фотаздымка можа быць усё, што мае дачыненне да тэматыкі будучай дзеі: падзея, з'ява, назіранне, чалавек. Фотаздымкі неабходна накіроўваць на «Перахват» ці размяшчаць у «Твітары» з пазнакай #чм2014 і #перахват.
Другі этап — накіраванне «перахватчыкамі» інфармацыі пра розныя непрыемнасці ў спецыяльна створаную рубрыку. Яе галоўная мэта — дапамога актыўных мінчан у выяўленні і аператыўным выпраўленні праблемных момантаў гарадскога побыту. Гэтая рубрыка будзе дзейнічаць да канца чэмпіянату. У яе можна будзе паведамляць пра аўтахлам, няспраўныя святлафоры і сапсаваныя дарожныя знакі, гарадскіх вандалаў, грубасць і хамства кіроўцаў на дарогах, факты распіцця спіртных напояў і г.д.
Сяргей РАСОЛЬКА.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.