На базе спартыўнай залы цяжкай атлетыкі Лельчыцкай дзіцяча-юнацкай спартыўнай школы праходзяць трэніроўкі навучэнцаў Мазыр
скай школы алімпійскага рэзерву. Заснавальнікам секцыі і цяперашнім яе трэнерам з'яўляецца майстар спорту Мікалай Варановіч.
— Калісьці ў гэтым памяшканні была крама. Сваімі рукамі стваралі спартзалу, і сёння маем поўнае права ганарыцца, што наша школа з'яўляецца сапраўднай кузняй выдатных цяжкаатлетаў, асабліва сярод дзяўчат.
Навучэнкі гэтай школы — яго вучаніцы, сёння ўдзельнічаюць у прэстыжных спаборніцтвах, чэмпіянатах Еўропы і нават свету. Вось і Алена Колас (на фотаздымку), выхаванка трэнера Варановіча, з'яўляецца ўжо рэкардсменкай Беларусі і прызёрам першынства Еўропы сярод кадэтаў.
Запаветная мара трэнера — на бліжэйшыя Алімпійскія гульні падрыхтаваць некалькі кандыдатаў-цяжкаатлетаў.
Анатоль Кляшчук.
Фота аўтара
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».