21 верасня, панядзелак

Вы тут

Працоўны стаж менш за 10 гадоў?


...У вас будзе права толькі на сацыяльную пенсію

У некаторыя законы па пытаннях пенсійнага забеспячэння плануецца ўнесці папраўкі.

Учора на пасяджэнні Пастаяннай камісіі па працы і сацыяльных пытаннях Палаты прадстаўнікоў Нацыянальнага сходу Беларусі былі разгледжаны два законапраекты аб унясенні паправак у некаторыя законы па пытаннях пенсійнага забеспячэння, якія прадставіла дэпутатам начальнік галоўнага ўпраўлення пенсійнага забеспячэння Міністэрства працы і сацыяльнай абароны Наталля МУРАШКЕВІЧ.

Мэта запланаваных змен і дапаўненняў — прывесці дзеючае заканадаўства ў адпаведнасць з Указамі Прэзідэнта № 389 і № 441, якія датычацца пытанняў пенсійнага забеспячэння і сацыяльнага страхавання, а таксама прафесійнага пенсійнага страхавання і пенсійнага забеспячэння.

Як вядома, з 1 студзеня 2014 года ў Беларусі павялічана працягласць мінімальнага працоўнага стажу, неабходнага для прызначэння працоўнай пенсіі па ўзросце і за выслугу гадоў, з 5 да 10 гадоў. Пры гэтым ранейшыя ўмовы па мінімальным стажы працы (гэта значыць, 5 гадоў) захаваны для прызначэння датэрміновых пенсій па ўзросце сацыяльна ўразлівым катэгорыям грамадзян: бацькам інвалідаў з дзяцінства, шматдзетным маці, інвалідам з дзяцінства і некаторым іншым.

Намеснік старшыні Пастаяннай камісіі па працы і сацыяльных пытаннях Палаты прадстаўнікоў Нацыянальнага сходу Беларусі Зінаіда МАНДРОЎСКАЯ лічыць павелічэнне мінімальнага стажу для атрымання працоўнай пенсіі апраўданай і неабходнай мерай. «Мы разумеем, што памер нашай пенсіі залежыць ад колькасці ўзносаў у пенсійную сістэму. Таму, калі мы хочам атрымліваць годную пенсію, трэба напоўніць пенсійную сістэму. А калі страхавыя ўзносы не налічваюцца, то адкуль будзе пенсія?» — сказала Зінаіда Мандроўская.

Парламентарый лічыць 5 гадоў мінімальнага працоўнага стажу занадта малым тэрмінам для таго, каб мець у будучыні права на пенсію па ўзросце. Дарэчы, па інфармацыі Міністэрства працы і сацыяльнай абароны Беларусі, мужчыны пасля выхаду на пенсію атрымліваюць яе ў сярэднім 14 гадоў, а жанчыны — 24 гады.

Святлана БУСЬКО

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.