Вы тут

Агульныя інтарэсы Царквы і Саюзнай дзяржавы


У мінскім храме-помніку ў гонар Усіх Святых адбылося знаёмства дзяржаўнага сакратара Саюзнай дзяржавы Рыгора Рапоты з Патрыяршым Экзархам усяе Беларусі Мітрапалітам Паўлам

—  Гэта першая сустрэча, першае знаёмства, абмеркаванне таго, што нас збліжае. Мы прыйшлі да выніку, што ў нас агульныя мэты — ствараць, — сказаў журналістам пасля сустрэчы Мітрапаліт Павел. — Нам няма ў чым спаборнічаць, у нас адзіны курс — на яднанне, росквіт народаў, заснаваныя на духоўна-маральных каштоўнасцях.

У сваю чаргу Рыгор Рапота адзна- чыў, што новы кіраўнік Беларускай праваслаўнай царквы — чалавек з вялікім вопытам у міжнароднай дзейнасці і служэння ў Расійскай Федэрацыі. «Мы сапраўды працуем над агульнымі задачамі, — пацвердзіў дзяржсакратар Саюзнай дзяржавы. — Таму мы дамовіліся, што будзем абменьвацца думкамі. І нават першы такі абмен паказаў, што рэлігія — тая сфера дзейнасці, якая фарміруе ідэалогію, унутраную свядомасць людзей, іх адносіны да ўсяго таго, што робіцца навокал. Таму я думаю, што добры сяброўскі сімбіёз узаемадзеяння будзе толькі на карысць развіццю Саюзнай дзяржавы.

Адказваючы на пытанні журналістаў, Мітрапаліт Мінскі і Слуцкі Павел, Патрыяршы Экзарх усяе Беларусі, паведаміў, што гатовы прыняць беларускае грамадзянства, захаваўшы пры гэтым расійскае, каб юрыдычна пацвердзіць, што ён у Беларусі не дачаснік.

—  Мне даводзілася служыць раней у розных краі нах, у тым ліку ў ЗША і Ізраілі. Кожны раз Патрыярх накіроўваў мяне словамі, каб я служыў так, як быццам маё жыццё будзе ўсё прысвечана гэтаму месцу, — сказаў іерарх.

Мітрапаліт таксама ўдакладніў, што ён не намераны рабіць нейкія пераўтварэнні ці рэформы ў Беларускай царкве.

На пытанне аб мяркуемай колькасці людзей, якія прайшлі ўшанаваць агульную хрысціянскую святыню, якая зараз знаходзіцца ў Мінску, — Дары валхвоў, Экзарх адказаў: «Вынікі рабіць яшчэ рана, але думаю, лічба набліжаецца да 500 тысяч. Прыходзіць вельмі шмат людзей».

Ён таксама распавёў пра нядаўні выпадак вылечвання чалавека, які дакрануўся да святыні: «Літаральна ўчора мне вернікі расказвалі, як на іх вачах здзейснілася вылячэнне чалавека, якога можна назваць ашалелым. Ён падыходзіў да Дароў з жудасным жывёльным крыкам, не мог сам падысці, яго трымалі пяць здаровых мужчын. Пасля першага дакранання да святыні ён страціў прытомнасць. А пасля другога і трэцяга дакрананняў сваімі нагамі ў спакойным стане духу пайшоў».

Мітрапаліт падкрэсліў, што людзі, якія прыходзяць да Дароў, свае просьбы адрасуюць не самой рэліквіі, а Богу, які благаславіў гэтую святыню сваім судакрананнем.

Вольга МЯДЗВЕДЗЕВА

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.