30 кастрычніка, пятніца

Вы тут

Калі культура - у цэнтры


Сваімі першымі памочнікамі старшыня Стадоліцкага сельскага Савета Ганна МАРКЕВІЧ называе работнікаў вясковага Цэнтра культуры і сустракаецца з імі як з добрымі сябрамі.

— У сельскага Савета і Цэнтра культуры сапраўды моцная сувязь, — кажа Ганна Паўлаўна. — Сумесна працуючы, мы здольны рабіць вялікую і патрэбную справу ў вёсцы.

Найцікавейшымі праектамі з абавязковым удзелам у іх работнікаў культуры старшыня называе сумесныя выезды ў суседнія і больш далёкія вёскі — а іх сёння ў сельсавеце ўжо дванаццаць. Выязджаюць, каб павіншаваць маладыя сем'і з нованароджанымі, а таксама юбіляраў-доўгажыхароў: вось нядаўна разам ушаноўвалі 90-гадовую Аляксандру Іларыёнаўну Сеўрук.

— Ладзім вечарыны-агеньчыкі да Дня пажылых людзей, віншуем ветэранаў працы і вязняў вайны, разам добраўпарадкоўваем і тэрыторыю вёскі, — заўважае Ганна Паўлаўна. — На бібліятэкара Ніну Прыбылавец і дырэктара Цэнтра культуры Надзею Кузняцову заўсёды магу спадзявацца, хоць добра ведаю, што праца культработнікаў на вёсцы не з лёгкіх, як некаму можа падацца.

Цяпер у Стадоліцкім цэнтры культуры працуе шэсць дзіцячых і два дарослыя калектывы мастацкай самадзейнасці, бібліятэчны пункт часта бывае ў іншых населеных пунктах Савета. Апошнім часам старшыню Ганну Маркевіч усё больш радуе праца работнікаў сферы культуры па адраджэнні народных абрадаў, якіх у гэтым рэгіёне Палесся было сапраўды шмат.

культура

— А яшчэ культработнікі не застаюцца ўбаку і ад выхаваўчага працэсу нашых падлеткаў, асабліва праблемных дзяцей, — зазначае кіраўнік сельсавета.

Анатоль КЛЯШЧУК. Фота аўтара. Лельчыцкі раён

 

 

Выбар рэдакцыі

Палітыка

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Лукашэнка прызначыў новых памочнікаў Прэзідэнта Беларусі па Брэсцкай, Гродзенскай абласцях і Мінску

Валерый Вакульчык, які з верасня гэтага года працаваў на пасадзе дзяржаўнага сакратара Савета бяспекі Беларусі, а да гэтага быў старшынёй Камітэта дзяржаўнай бяспекі, сёння прызначаны памочнікам Прэзідэнта Беларусі — інспектарам па Брэсцкай вобласці. 

Культура

Ірына Відава: Такіх мужчын, як Алег Молчан, адзін на мільён

Ірына Відава: Такіх мужчын, як Алег Молчан, адзін на мільён

Чвэрць стагоддзя разам, і ніколі не было сумна ці нецікава адно з адным.

Культура

Успамінаем Янку Нёманскага, які быў расстраляны 30 кастрычніка ў 1937 годзе

Успамінаем Янку Нёманскага, які быў расстраляны 30 кастрычніка ў 1937 годзе

Як знік працяг рамана Янкі Нёманскага «Драпежнікі», прысвечанага лёсу рабочых шклозавода