Сёлета да навагодніх свят лясгасы краіны рэалізавалі 172 тысячы навагодніх дрэў.
Найбольшай папулярнасцю, па традыцыі, зноў карысталіся елкі. Хаця, адзначаюць у Міністэрстве лясной гаспадаркі, з кожным годам іх набываюць усё менш. А вось папулярнасць сасны расце. З агульнай колькасці навагодніх дрэў яе прададзена 17,1 тысячы штук. Найбольшым попытам сасна карысталася ў Віцебскай вобласці. Тут было набыта больш за 9,3 тысячы гэтых дрэў.
У міністэрстве, падводзячы своеасаблівыя вынікі «сезона», таксама адзначылі, што большым попытам сталі карыстацца дрэвы ў кадках і навагоднія букеты. Калі летась лясгасы прадалі толькі 130 елак у кадках, дык сёлета — ужо каля тысячы. Навагодняе дрэва ў кадцы зручнае тым, што яно захоўвае знешні выгляд і ў памяшканні, ігліца не асыпаецца. Дрэва патрабуе толькі паліву. А вясной яго можна высадзіць у грунт і яно будзе расці далей.
Сяргей РАСОЛЬКА.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
Ідэнтычнасць праз спадчыну.