Да 60 працэнтаў усіх траўмаў у нашай краіне адносіцца да ліку бытавых, каля 20 працэнтаў — вулічныя. Самымі распаўсюджанымі з'яўляюцца раны, пераломы і вывіхі.
— Штогод у краіне атрымліваюць траўмы каля 120 тысяч дзяцей, — адзначае загадчыца аддзялення медыцынскай рэабілітацыі 23‑й дзіцячай гарадской паліклінікі г. Мінска Ганна КУЛЯБА.
— Дзеці нярэдка цяжка траўмуюцца і нават гінуць у выніку атрыманай траўмы. 50 працэнтаў траўмаў прыпадае на ўзрост 8–14 гадоў, 25 працэнтаў — на 4–7 гадоў. Пры гэтым у 55 працэнтах выпадкаў дзеці траўмуюцца, гуляючы ў дварах, у 43 працэнтах — дома. Дарослыя павінны так арганізаваць догляд дзіцяці, каб выключыць магчымасці атрымання траўмаў…
Дзеці груднога ўзросту поўнасцю знаходзяцца пад назіраннем дарослых, а таму віноўнікамі нешчаслівага здарэння з такім дзіцем з'яўляюцца выключна апошнія.
У раннім дашкольным узросце дзіця мае патрэбу ў назіранні не толькі ў хатніх умовах, але і ў абстаноўцы дзіцячай дашкольнай установы. Значыць, адпаведныя растлумачэнні павінны давацца як персаналу, так і самім дзецям.
Падчас догляду дзяцей трэба памятаць пра высокую пагрозу апёкаў, абарону балконаў, лоджый, вокнаў спецыяльнымі сеткамі, пра небяспеку магчымых траўмаў у двары, на лесвічнай клетцы, падчас падзення і аўтамабільных здарэнняў. У школьным узросце варта тлумачыць дзецям пра небяспеку выбухованебяспечных рэчываў, транспартны траўматызм, вытрымліванне мер бяспекі падчас урокаў фізкультуры.
Святлана БАРЫСЕНКА
Фота Анатоля Клешчука
Гадзіны траўмы
У краіне захоўваюцца высокія паказчыкі дарожна-транспартнага траўматызму. Гэта досыць цяжкія траўмы, з працяглым лячэннем у стацыянары і высокай лятальнасцю. Паводле шматгадовых назіранняў, найбольшая колькасць ДТЗ з цяжкімі траўмамі і лятальным зыходам прыпадае на чацвер-пятніцу, найменшая — на нядзелю-панядзелак. Пікам аварыйнасці лічыцца час з 15 да 21 гадзіны, час года — кастрычнік — снежань.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».