Вы тут

Здарэнні


«КІНУЛІ» ДЗЯРЖАВУ...

Камітэт дзяржаўнай бяспекі спыніў злачынную дзейнасць міжнароднай групы, якая завозіла на тэрыторыю Мытнага саюза грузавыя аўтамабілі і аўтобусы без выплаты мытных плацяжоў. У ценявую схему былі ўцягнуты і супрацоўнікі беларускай мытні, якія атрымлівалі ад камерсантаў грашовыя ўзнагароджванні, а таксама грамадзяне Беларусі, Расіі і Польшчы.
Двое індывідуальных прадпрымальнікаў з Бярозы Брэсцкай вобласці набывалі ў краінах Еўрасаюза поўнакамплектныя аўтамабілі, а для ўхілення ад мытных плацяжоў у поўным аб'ёме завозілі іх на тэрыторыю Мытнага саюза па частках (шасі і кабіны), паведамляе прэс-служба КДБ Беларусі. Далей у Беларусі або Расіі камплектаваўся прыдатны для эксплуатацыі аўтамабіль. Аналагічна завозіліся і аўтобусы (здымаліся рухавікі і хадавая частка).
Падчас агляду арандаваных прадпрымальнікамі плошчаў былі затрыманы восем грузавых аўтамабіляў вядомых еўрапейскіх марак, завезеных сёлета па частках. На некаторыя аўтамабілі былі аформлены падробленыя дакументы. Па разліках мытных органаў, агульны памер ухілення ад выплаты мытных плацяжоў падчас завозу толькі чатырох затрыманых транспартных сродкаў склаў 1,3 млрд рублёў. На працягу трох апошніх гадоў камерсанты завезлі каля 200 аўто. Дзяржава недаатрымала такім чынам каля 4 млн еўра.

Святлана БАРЫСЕНКА.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».