Вы тут

Бэжавы, крэмавы, аранжавы...


Які дызайн пазногцяў у трэндзе гэтай восенню

У дызайне пазногцяў сезонная тэматыка застаецца адной з самых запатрабаваных. У кожнай пары года свае колеры і адценні, і яны знаходзяць самую розную стылістычную трактоўку.

Нескладана здагадацца, што восеньскі дызайн пазногцяў вызначаецца асаблівай цеплынёй, бо ў ім пераважае жоўта-карычневая каляровая палітра. Гэта і з'яўляецца яго асноўным адрозненнем.

Бэжавы, крэмавы, кававы, залацісты, аранжавы, пурпуровы, бардовы, шакаладны, аліўкавы, лімонны, хакі, гарчычны — вось тыя колеры, з якімі ў жанчын, як правіла, асацыюецца восеньскі манікюр.

Такія колеры прывабныя яшчэ і тым, што выдатна камбінуюцца адзін з адным, хоць дызайн можа быць і манахромным — з адным «ключавым» адценнем.

Самая папулярная тэма ў пазногцевым дызайне восеньскай пары — апалае лісце: жоўтыя, рудыя, чырванаватыя, залацістыя. Асабліва прыгожымі атрымліваюцца намаляваныя ў тэхніцы кітайскага або акварэльнага роспісу, хоць і проста намаляваныя лісточкі таксама выглядаюць сімпатычна. На кароткіх пазногціках прывабна будуць глядзецца адзін ці два лісточкі. Таксама можа быць выканана абстрактная прамалёўка ў каляровай гаме восеньскіх лісцікаў.

Восень — гэта тры месяцы, і карцінкі з лісцікамі прыхільніцам сезонных трэндаў аднойчы могуць проста надакучыць. Ці ёсць магчымасць намаляваць нешта не менш яркае і сезоннае, але не на тэму лістападу? У восеньскім дызайне пазногцяў могуць прысутнічаць і кветкі. «Вырошчваць» у гэты час бэз ці ландышы несур'ёзна, але калі вы зробіце малюнак з астрай альбо вяргіняй, трапіце ў самую кропку. Натуральна на невялікіх кіпціках можа быць адна або дзве нескладаныя кветкі, а на пазногцях даўжэйшых можна «выгадаваць» шыкоўныя букеты.

Вы лічыце, што кветкі на пазногцях — гэта банальна і старамодна? Тады да вашых паслуг іншыя сюжэты. Восень, як вядома, сезон багацця, так што нацюрморты з садавіной і агароднінай таксама падыдуць. Вядома, такія матывы больш пасуюць маладым дзяўчатам, чым дамам. Што тычыцца жанчын, то яны могуць цешыцца восеньскім настроем, спалучаючы класічныя прыёмы афармлення пазногцяў і незвычайныя колеры. Напрыклад, можна зрабіць класічны французскі манікюр, камбінуючы чорны лак з залацістым, аранжавы з карычневым. Усё ў вашых руках.

Наташа КАРАЛЁВА.


Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.