Перамагчы Пракруста

Увазе прыхільнікаў айчыннай літаратуры, крытыкі і публіцыстыкі! Свежы нумар часопіса "Маладосць" з'явіўся ў продажы спецыяльна для таго, каб захапіць сваімі матэрыяламі! Гартаем старонкі крытыкі. "Вырвацца з д'яблавых рук" — так называецца артыкул пра новую кнігу Таісы Супрановіч

, што распавядае, у прыватнасці, пра... "жанчыну, якая перамагла Пракруста". Тут жа, у артыкуле, гучыць думка пра тое, што аўтар мэтанакіравана выкрывае хлусню квазівучоных показкаў пра "апасіянарнасць", млявасць беларускага менталітэту. Гартаем далей — знаходзім артыкул пра сяброўства Розны і Грахоўскага, матэрыял пра Вазнясенскага, разважанні пра мовы. Публіцыстыка нумара таксама прадстаўлена шырокім колам матэрыялаў. Цэнтральная ж тэма прысвячаецца вёсцы: вымірае яна ці квітнее — вось пытанне пытанняў.

А ў паэзіі і прозе, як заўсёды, разнастайна і шматгучна: Андрэй Федарэнка, Маргарыта Прохар, Кірыл Стаселька, Арцём Кавалеўскі, Сяргей Мацін, Алег Салтук. Канстанцін Касяк і Ксенія Бандарэнка, нашы дэбютанты, няхай прымаюць віншаванні і пішуць надалей.