Тэмпература 26-32 градусы ўжо з'яўляецца небяспечнай для некаторых хворых на цукровы дыябет, асабліва пры наяўнасці сасудзістых ускладненняў.
Пры гэтым захворванні парушаецца потааддзяленне падчас перагрэву арганізма. У выніку мае месца не толькі бескантрольнае абязводжванне, але і бескантрольнае павышэнне цукру ў крыві. Павышанае потааддзяленне можа выклікаць і дэфіцыт соляў. У хворых на дыябет лёгка абгарае скура на пацярпелых ад нейрапатыі ўчастках, а моцныя сонечныя апёкі могуць таксама справакаваць гіперглікемію, павысіць рызыку інфекцыі. Інсулін
і іншыя дыябетычныя прэпараты пры няправільным захаванні ў спякотнае надвор'е хутка страчваюць сваю эфектыўнасць. Тэст-палоскі да хатніх глюкометраў пры тэмпературы звыш 30 градусаў могуць страціць сваю функцыянальнасць. Такім чынам, пры павышэнні тэмпературы паветра рэкамендуецца:
- часцей правяраць узровень цукру ў крыві;
- пазбягаць фізічнай нагрузкі;
- не хадзіць басанож па гарачай паверхні;
- вытрымліваць пітны рэжым;
- звярнуцца да ўрача пры пераграванні — галавакружэнні, млосці і павышанай патлівасці.
Рукі мылі?
Гельмінты, або глісты, здольны нанесці значную шкоду здароўю. Яны ствараюць дэфіцыт вітамінаў і мікраэлементаў, зніжаюць імунітэт, перашкаджаюць эфектыўнаму лячэнню самых розных захворванняў, правакуюць алергіі, выклікаюць у дзяцей раздражняльнасць, адставанне ў разумовым і фізічным развіцці.
Паводле слоў урача-паразітолага Рэспубліканскага цэнтра гігіены, эпідэміялогіі і грамадскага здароўя Андрэя ВЕДЗЯНЬКОВА, характэрнай асаблівасцю такога захворвання, як энтэрабіёз, з'яўляецца моцны сверб у вобласці задняга праходу. Аскарыдоз жа на раннім этапе праяўляецца ліхаманкай, патлівасцю, кашлем, алергічным сыпам, астматычнымі прыступамі, на позніх — зніжэннем апетыту, пахудзеннем, болем у жываце і агульнай слабасцю.
1. Ужывайце свежыя ягады і фрукты толькі пасля дасканалага папярэдняга мыцця (для малых дзяцей — паліце кіпенем).
2. Абараняйце харчовыя прадукты, асабліва тыя, што ўжываюцца без тэрмічнай апрацоўкі, ад мух.
3. На асабістым прыкладзе паказвайце дзецям, што пасля прыбіральні, перад ежай, пасля вяртання з прагулкі, працы трэба мыць рукі.
4. Пры першых падазрэннях на захворванне гельмінтозам звярніцеся па медыцынскую дапамогу.
Мерапрыемства праводзіцца на добраахвотнай аснове.
Не выявіць ні секунды абыякавасці.