Штогадовы міжнародны фестываль "Мотальскія прысмакі" ў Іванаўскім раёне на гэты раз пройдзе пад знакам 1025-годдзя Хрышчэння Русі. Свята распачнецца 10 жніўня ўрачыстай службай у Спаса-Праабражэнскай царкве вёскі Моталь. Пасля літургіі вернікі і госці пройдуць хрэсным ходам на цэнтральную плошчу.
Як заўсёды, будуць разгорнуты "смачныя падворкі" розных аграгарадкоў і сельсаветаў. У праграме — конкурс-дэгустацыя "Парады бабуль — майстэрства ўнукаў", майстар-класы кулінараў Беларусі і замежжа. Мотальскі музей народнай творчасцізапросіць на адкрыццё свайго археалагічнага філіяла. І, безумоўна, будзе працаваць процьма пляцовак па гандлі ўсялякімі прысмакамі кшталту "Усе ласы на мотальскія каўбасы" або "Мотальскія караваі на ўсе густы выбіраем". А яшчэ чакаецца шмат музыкі, песень і танцаў. Маталяне чакаюць гасцей.
Святлана ЯСКЕВІЧ.
Мерапрыемства праводзілася на добраахвотнай аснове.
Не выявіць ні секунды абыякавасці.
